Струјата полека се враќа во Венецуела, но Мадуро грми: Со сајбер напади не спречуваат да ја поправиме

Струјата, по неколку дена, се врати во некои делови од Венецуела, но многу области и натаму се без електрична енергија.

Огромните прекини во снабдувањето со електрична енергија ја влошија економската и политичката криза во Венецуела, каде опозицијата и владата меѓудебно се обвинуваат дека се одговорни за крахот на инфраструктурата, пренесува АП.

Претседателот Николас Мадуро напиша денеска на својот Твитер профил дека „повеќекратните сајбер напади“ предизвикале прекини и ги нарушиле напорите да се поправи националната мрежа.

Тој вели дека се надевела дека струјата ќе стигне секаде во наредните часови.

Опозицискиот лидер Хуан Гваидо и неговиот сојузник, САД, велат дека тврдењата на Мадуро дека тие го саботирале електроенеретскиот систем се апсурдни.

Тие наведуваат дека корупцијата во владата и лошото управување со државата предизвикале пропаѓање на венецуелската инфраструктура во текот на многу години.

Венецуела се бори со хиперинфлација и недостиг на храна  и лекови.