Карвахал: Најтешката вечер во мојата кариера

Дефанзивецот на Реал Мадрид, Дани Карвахал го посочи поразот од Ајакс со 1:4 и елиминацијата уште во осминафиналето на Лигата на Шампионите како најкошмарниот момент во неговата фудбалската кариера.

 

– Ова е мојата најтешка вечер како професионален фудбалер. Никогаш не сум почувствувал такво страшно чувство. Во последните натпревари, работите на домашен терен не излегувааат како што треба. Не треба да бараме изговори. Нашиот ривал заслужува да продолжи. Излеговме со чисти умови по поразите од Барселона, сакавме да победиме и да продолжиме понатаму. Ни дадоа два гола по наши грешки, а третиот гол буквално не уби. Јасно е дека сезоната е завршена за нас. Ние мора да ги исполниме нашите должности до крај професионално. Не треба да се криеме, туку да покажеме карактер, рече Карвахал.