Почна самитот меѓу Трамп и Ким, со ракување и насмевки
Вториот самит на лидерите на Северна Кореја и САД, Ким Џонг-ун и Доналд Трамп почна денеска во Ханој со ракување и насмевки.
Двајцата лидери се ракуваа пред знамињата на своите земји во хотелот „Метропол“ во престолнината на Виетнам.
-Се радуваме на состанокот, изјави Трамп.
На прашањето дали тој можеби формално ќе стави крај на Корејската војна, Трамп рече: „Ќе видиме што ќе се случи, но сакаме да направиме нешто големо“.
Се очекува состанокот „еден на еден“ да трае 20 минути, а потоа ќе следи вечера на која ќе бидат присутни и други членови на двете делегации.
Ова е втор самит на Трамп и Ким. Првиот се одржа во Сингапур, јуни минатата година.
Белата куќа претходно соопшти дека на вечерата ќе присуствуваат и државниот секретар на САД Мајк Помпео и шефот на кабинетот на Трамп, Мик Малвени, како и двајца помошници на Ким, но и преведувачи.
Трамп и Ким ќе остварат средба и утре.
Виетнамските власти ветија исклучително високи безбедносни мерки, додека Вашингтон и Пјонгјанг уште пред неколку дена испратија припадници на своите безбедносни сили.
Севернокорејскиот лидер е сместен во хотелот „Мелиа Ханој“, а Трамп во „ЈВ Мериот“.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата