Гвардиола не се откажува од титулата

Менаџерот на Манчестер Сити, Пеп Гвардиола, не се откажува од титулата во Премиер Лигата. „Граѓаните“ дозволија изненадувачки пораз од 1:2 при нивната посета на Њукасл и сега разликата со Ливерпул може да се зголеми до 7 бода, ако тие го добијат вечерва својот натпревар против Лестер.
Сепак, шпанскиот стратег не се предава, бидејќи има уште многу натпревари до крајот на сезоната.
– Ако победи Ливерпул, разликата ќе стане многу поени, но се уште е јануари, а не април или мај. Се уште има многу натпревари да се одиграат. Ние нема да се предадеме. Ќе ни биде потешко сега, но знаеме дека имаме шанса и мораме да ги освоиме нашите натпревари. Кога заостанувате на табелата, немате право да губите поени, изјави Гвардиола по мечот.
Тој посочи дека неговиот тим направил грешки во вчерашниот натпревар и дека раниот гол воопшто не помогнал за конечна победа.
– Поведовме рано, но сепак, во текот на целиот меч, не можевме да го најдеме вистинскиот ритам за да ја наметнеме нашата волја над ривалот. Раниот гол не ни помогна особено. Кога не ги реализираш своите шанси, дуелот останува отворен, па им честитам на Њукасл, додаде Шпанецот.
Ново на Сител
-

Си-ен-ен: Се урна безбедносна комуникациска мрежа на американската НСА
-

Македонските млади фудбалери У17 и покрај поразот продолжуваат во елитните квалификации
-

Андоновски одржа мастерклас во Париз: Во фокусот дигиталната трансформација на јавната администрација
-

Реновираниот дом „Кузман Јосифовски-Питу“ ќе биде отворен во февруари, деновиве ќе се објави конкурс за сместување
-

Србија доби нов парламентарен состав, пратениците положија заклетва
-

50-годишен маж со огнено оружје се заканувал на сопругата со која е во бракоразводна постапка
-

Татко ја нападнал својата 20-годишна ќерка
-

Хашим Тачи осуден за попречување на правдата на 17 месеци затвор
