СДСМ: ВМРО-ДПМНЕ го кочи изборот на Антикорупциска комисија во Собранието и условува со предлози за ослабнување на надлежностите
Најкриминалната партија во Европа, ВМРО-ДПМНЕ, самата заглавена во корупциски скандали, го кочи изборот на нови членови на Државната комисија за спречување на корупција во Собранието.
Христијан Мицкоски и ВМРО-ДПМНЕ го условуваат носењето на Законот во Собранието со неразумни предлози, спротивни на препораките на експертите од Европската Комисија, со единствена цел да ги ослабнат надлежностите на ДКСК.
Целта на ВМРО-ДПМНЕ и Мицкоски е да нема силна, независна Комисија за спречување на корупцијата односно да нема вистинска контрола над корупцијата којашто токму тие ја распространија до невидени размери.
Едно од барањата на ВМРО-ДПМНЕ е ДКСК да нема директен увид во сметките на функционерите туку тоа да се прави преку УЈП.
Овој предлог на ВМРО-ДПМНЕ ја намалува независноста на ДКСК затоа што Управата за јавни приходи е институција којашто е дел од извршната власт.
Не може институција дел од извршната власт подобро да ги контролира избраните функционери од независна институција како што со новите законски решенија е предвидена да биде ДКСК.
Исто така, ВМРО-ДПМНЕ бара ДКСК да не врши контрола на финансирањето на политичките партии, што е целосно неразумно и најдобро ги покажува намерите на оваа партија.
Јавноста знае, токму ВМРО-ДПМНЕ е партијата за чие финансиско работење односно сомнителен начин на финансирање и отворени сомнежи за перење пари е отворен случај од страна на СЈО.
Финансирањето на политичките партии мора да биде под целосна контрола на ДКСК за да нема било какви сомнежи.
Барањето на ВМРО-ДПМНЕ да не може било кој граѓанин да поднесе пријави во делот на финансирањето е уште едно барање на опозициската партија целосно спротивно со препораките на експертите од ЕК.
Со цел да ја разводнат и ослабнат позицијата на ДКСК, ВМРО-ДПМНЕ предлага формирање на некаков Национален совет. Зад ова барање се крие обид за разводнување на ингеренциите на ДКСК и да се ослабе најсилната независна институција за борба против корупцијата.
ВМРО-ДПМНЕ треба да престане да го кочи процесот за избор на вистинска, професионална и независна Државна комисија за спречување на корупцијата.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп