Детали за грозоморното убиство што го потресе Прилеп: Ја избодел љубовницата пред очите на нејзиниот син (10)
Триесет и тригодишна прилепчанка е убиена од триесет и шестгодишен маж со кого била во љубовна врска. Убиството се случило синоќа во периодот од 21:30 до 22 часот пред очите на нејзиниот 10-годишен син.
Министерството за внатрешни работи денеска соопшти дека 36-годишниот Х.К е приведен бидејќи по претходна вербална расправија со жртвата, со неколку убоди од нож во градниот кош ја убил 33-годишната Е.Г.
Убиството се случило во неговиот дом во населбата Тризла каде дошла жртвата заедно со нејзиниот син.
Според првичната информација од контролата со апарат за мерење на количината на алкохол – дрегер, осомничениот во себе имал повеќе од 2 промили алкохол, а точниот податок ќе се знае откако ќе заврши анализата на крв и урина од осомничениот.
Осомничениот не го напуштил местото на настанот и е веднаш лишен од слобода.
Од Основното јавно обвинителство во Прилеп информираат дека надлежен јавен обвинител извршил увид на местото на настанот заедно со увидна екипа од Министерството за внатрешни работи и оти се обезбедени траги кои ќе бидат предмет на вештачење. Издадена е наредба за обдукција на починатата. Се преземаат сите дејствија за целосно расчистување на случајот.
Популарно од Македонија
Ново на Сител
-
Вашингтон врши притисок врз Пекинг да го спречи Иран да го блокира Ормутскиот теснец
-
Тунелите на нуклеарниот комплекс Исфахан и погонот Фордо се оштетени во американските напади
-
Хатами: Како и секогаш САД ќе добијат решителен одговор за злосторството против Иран
-
Топол воздушен бран и температура до 40 степени во четврток и петок
-
За седум дена санкцонирани се 127 непрописно паркирани возила на територија на Општина Центар
-
Руска осуда на американските напади врз Иран во СБ на ОН: САД ја отворија Пандорината кутија
-
Манчестер сити убедливо го порази Ал Аин на Светското клупско првенство
-
МотоГП: Марк Маркез ја освои ГН на Италија
