Груевски доби 30-дневен притвор и за „Титаник“
– Поранешиот премиер Никола Груевски, кој е во бегство во Унгарија, денеска доби нов 30-дневен притвор и за предметот „Титаник“ на СЈО.
Судијата Осман Шабани, кој е претседател на Судечкиот совет, на денешното рочиште во Кривичниот суд, во однос на предлогот за определување мерка притвор за Груевски, рече дека Советот донел одлука на обвинетиот да му се одреди мерка притвор во траење од 30 дена, сметано од денот на неговото пронаоѓање.
Мерката притвор беше побарана на минатото рочиште од страна на обвинителката на СЈО Лиле Стефановска. Претходно, Судот одлучи на Груевски да му се суди во отсуство.
Денешното рочиште за „Титаник“ продолжи со читање на СМС пораки. Најголем дел од СМС пораките што се презентираат во судница се меѓу обвинетите Миле Јанакиески и Гордана Јанкулоска и се однесуваат на организирање на гласачи од дијаспората за изборите во 2011 година.
Од СМС комуникацијата се гледа како била договарана изработка на пасоши и регрутирање гласачи и кандидати преку дипломатските претставништва во странство, но и активности за организирање гласачи во институциите.
Рочиштето доцнеше околу половина час за спроведување од притвор на обвинетиот Миле Јанакиески.
Во судница е присутен и технички советник на предлог на одбраната
Популарно од Македонија
Ново на Сител
-
Полицијата приведе лице поради сторени кривични дела „разбојништво“ и „разбојничка кражба“
-
Сиљановска-Давкова им додели сертификати на учесниците на „Охрид камп за високо-технолошка извонредност“
-
Димитриевски за Изборниот законик: Многу подобро е да донесете нешто, отколку да не донесете ништо
-
Мицкоски: Трговците со зголемени маржи ќе бидат предупредени, анализата на 600–700 производи е во завршна фаза
-
Лишен од слобода турски државјанин, возел на автопат со брзина од 203км/ч каде ограничена брзина е 120км/ч
-
Јаневска: Неправилностите во работењето ќе значат одземање акредитации за високообразовни институции
-
Мицкоски: Опозицијата нека свика експерти и нека се усогласи за Изборниот законик, владината коалиција е веќе усогласена
-
Во земјотресите во Венецуела загинаа 4.118 луѓе
