Мајка монструм ги масакрирала своите деца: На синот (18) и ќерката (16) им пукала во глава додека спиела, а најмалата успеала да и го земе пиштолот

Ејми Хол (38), Американка од Оклахома, ги масакрирала сопствените деца на спиење, а на зачудените полицајци мирно им ги раскажала деталите од крвопролевањето.

 

Таа крвавиот пир го започнала околу 6 часот во четвртокот, на 1. ноември.

 

Ејми им рекла на полицајците дека прво влегла во собата на својот син, Кејсон Толивер (18). Момчето спиело, а мајката му пукала во глава. Кејсон починал на местото. Неговиот другар кој спиел кај него скокнал и се скрил, па така преживеал. Ејми вели дека него не сакала да го убие, туку само своите деца.

 

 

Потоа одела со ред низ куќата и влегла кај постарата ќерка (16) која исто така спиела. И на неа и пукала во глава. Девојчето преживеало, но е во критична состојба. Лекарите се борат за нејзиниот живот, веќе трети ден и не се сигурни дали ќе се спаси.

Потоа се свртела да ја убие најмладата ќерка (14), но девојчето за среќа веќе било будно и влетало во бањата и се заклучило. Ејми вели дека нејзината ќерка плачела во бањата, а потоа и рекла „мамо, се е во ред“, мирно излегла, и се доближила и и го зела пиштолот.

 

 

Полицијата добила повик во 6.30 часот утровото и затекнала ужасно крвопролевање. Кејсон бил мртов, постарата ќерка тешко повредена, а помалата се тресела и плачела, а мајката чедоморка никаде ја немало. Седнала во автомобил, возела неколку километри и застанала.

Мајката чедоморка им рекла дека имала намера да си убие сите свои деца, а потоа да си пресуди на себе. Во тоа ја спречила помалата ќерка, која и го грабнала пиштолот. Рекла дека децата сакала да ги убие за да ги заштити од нивниот татко, кој, како што рекла бил постојано насилен кон нив.

 

Се покажало дека таа и мажот живееле одвоено и дека две години воделе огорчена битка околу старателствоот. Ејми минатиот месец поднела итно барање за старателство, а нејзиниот поранешен маж во 2016 година поднел тужба против неа зошто наводно била ментално нестабилна, како и поради психичко малтретирање на децата.

 

Ејми прелиминарно е обвинета за убиство со предомисла и два обиди за убиство.