Австралиските власти спречиле заминување на над 300 малолетници во Сирија и Ирак

Австралиските власти во периодот од јули 2014 до јуни 2015 спречиле заминување во Сирија и Ирак на над 300 малолетници, за кои се претпоставувало дека сакаат да и се придружат на џихадистичката група Исламска држава, јави ДПА. 

Во соопштението на австралиската царина се наведува дека во посочениот период граничната полиција извршила проверки на над 133.000 сомнителни лица, при што спречиле 336 тинејџери во нивните намери да отпатуваат во конфликтните реони на Блискиот Исток. 

Од безбеднони причини, во посочениот период, властите им ги одземале пасошите на 67 австралиски државјани.