Виница очекува 3,6 милиони денари од државата за намалување на задолженоста
Општина Виница очекува да добие околу 3,6 милиони денари од најавената финансиска помош што државата ќе им ја распредели на општините за намалување на нивната задолженост. Со овие пари ќе се подмират дел од долговите што го отежнуваат функционирањето на локалната самоуправа, а кои се наследени пред повеќе години.
-Вкупниот долг на Општина Виница изнесуваше 96,7 милиони денари, а заклучно со третиот квартал, односно до 30 септември, за неполна година ние го намаливме за 15 милиони денари. Веќе доставивме известување до Министерството за финансии за целокупниот долг на општината, од што 3,7 милиони се по основ на наследени тужби од АД “Пелагонија“ за изградбата на плоштадот „Ангел Винички“ и на неколку улици, а 1,3 милиони денари се по тужба од ЕЛЕМ. Очекуваме барем половината од овие долгови да ги покриеме од буџетот на државата со најавената помош за општините, истакна градоначалникот на Виница, Ивица Димитров.
Советот на Општина Виница веќе донесе одлука за намалување на основниот буџет за оваа година за околу 11,5 милиони денари. Наместо планираните 107 милиони денари, локалната власт на располагање ќе има 96 милиони, но тоа нема негативно да се одрази врз реализацијата на планираните активности, бидејќи со нешто повисок процент е намален наследениот долг на Општината. Најголемите кратења се направени кај платите поради проекти за кои се очекувале трансфери, но истите се префрлени за идната година.
Градоначалникот Димитров најави дека и покрај задолженоста Општина Виница ќе продолжи со реализацијата на капиталните проекти, при што вниманието ќе биде насочено кон изградба на локален пат во планинскиот реон, за што е поднесена апликација до Платежната агенција, а еден дел е и со сопствено учество. Исто така, во фаза на изработка е детален урбанистички план за изградба на затворен пазар во Виница.
Ново на Сител
-
Изгласана Резолуцијата за Сребреница во ОН – 11 јули се прогласува за Меѓународен ден на сеќавање на геноцидот:
-
Тројца повредени во сообраќајка на крстосницата кај Башино Село на автопатот над Велес
-
Претседателката оствари телефонски разговор со Зеленски: Украинскиот народ може и во иднина да смета на македонското сојузништво
-
63-годишен маж демнеел женско лице од Дебар по што и го украл телефонот на работното место
-
Графитите избришани, сторителите непознати, насликана нова содржина на монументот на гостиварскиот кеј
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола