На границата со Мексико тргнаа 5.200 американски војници: Трамп ја засили границата пред инвазијата од мигранти

Американската војска ќе распореди 5.200 војници, вклучувајќи и оние под оружје, на границата со Мексико за да ги појача напорите на американскиот претседател Доналд Трамп подобро да ја обезбеди американско-мексиканската граница, изјави шефот на американската воена Северна команда, генерал Теренс О’Шонеси.

„Мислам дека претседателот јасно рече дека безбедноста на границата е прашање на националнаа безбедност“, рече генералот О’Шонеси.

 

 

Трамп вчера на Твитер напиша дека миграцискиот караван е „инвазија врз САД“, наведувајќи дека „многумина се членови на криминални кланови и некои се многу лоши луѓе се во караванот кој оди кон јужната граница“ на САД.

„Ве молам, вратете се, нема да бидете примени во САД додека не го поминете законски предвидениот процес. Ова е инвазија врз нашата земја и нашата војска ве чека“, напиша американскиот претседател.