По еден лекар дневно го напушта Косово
Лекарската комора на Косово, Синдикатот на здравство и косовските пратеници изразија загриженост поради фактот дека околу 90 лекари во последните три месеци го напиштиле Косово, како и поради тоа што таа појава добива се пошироки размери.
Здравствените работници сметаат дека доколку не се преземат итни мерки, Косово набрзо може да се соочи со проблем на недоволен број лекари, објавуваат приштинските медиуми.
Членот на парламентарната Комисија за здравство д-р Хаџи Авдуљи оценува дека таквата ситуација е резултат на лошото управување со здравствениот систем, пренесува Радио телевизија Црна Гора.
- Иако имаме најмал број лекари, лекарите немаат работа. Тоа покажува дека ние не знаеме кои лекари ни се потребни, кои специјализации треба да се одобрат, а тоа нас не чини многу поради губењето на голем потенцијал млади лекари, но и поради тоа што највиталниот дел на општеството бега, изјави тој.
Претседателот на косовската лекарска комора д-р Пљеурат Сејдиу оцени дека доколку продолжи ваквиот тренд на заминување лекари, тоа ќе има лоши последици за земјата, како и дека појавата поприма загрижувачки размери.
- Ова е исклучително загрижувачки, и тоа без оглед на сите пречки за слободно патување и се плашам дека дојдовме до тоа по еден лекар дневно да го напушта Косово, истакна Сејдиу.
- Доколку институциите во земјата не почнат сериозно да работат на решавање на тој проблем, Косово ќе има сериозни проблеми, смета претседателот на Синдикатот на здравство на Косово Блерим Сула.
Претставник на Министерството за здравство на Косово изрази надеж дека нацрт-законот кој гарантира зголемување на платите на здравствените работници кој го усвои Владата ќе ја подобри состојбата и ќе го зајакне достоинството на здравствените работници.
Ново на Сител
-
Вучиќ изјави дека ќе бидат распишани вонредни избори, но не прецизираше датум
-
СЗО: Глад и болести се шират во Судан, 25 милиони луѓе загрозени поради недостиг од храна
-
Жител на тетовско осомничен за задоволување полови страсти на јавно место
-
Поради сообраќајка во прекин регионалниот пат Маврови Анови - Дебар
-
Кривична за четири лица за тешка кражба, нанеле штета од над 10 милиони денари на ЈП за железничка инфрастрактура
-
Приведени две лица од Неготино, одзеле 30.000 евра од дом на брачен пар
-
Германија го запира извозот на воена опрема во Израел и повикува на прекин на огнот во Газа
-
76-годишна жена измамена за 20.000 евра - и кажале дека ќерка и била прегазена, биле потребни пари за операција