Десната опозиција победи на изборите за сенатори во Горниот дом на чешкиот Парламент
Десната опозиција победи на вториот круг од изборите за сенатори во Чешка, што опфаќа една третина од местата во Горниот дом на Парламентот.
Владејачките партии претрпеа пораз откако гласачите најголем број гласови дадоа на десничарските движења на опозицијата, „Градоначалници и независни“ (СТАН) и Граѓанско-демократската партија, формирана од поранешниот претседател Вацлав Клаус.
На изборите требаше да се утврди кој од 236-те кандидати ќе ги заземат 27-те (од 81) отворени места во чешкиот Сенат. Само двајца десничарски политичари беа избрани во првиот круг од изборите пред една недела, кои имаа над 50 отсто од гласовите.
Според податоците на Чешката служба за статистика, по пребројувањето на 99,91 отсто од гласовите на избирачите, Граѓанската демократска партија е апсолутен лидер. Десет нејзини претставници ќе влезат во Горниот дом на Парламентот, со што нивната парламентарна група ќе има 16 сенатори. Групата на партијата СТАН има пет нови членови. Со вкупно 17 сенатори, таа ќе биде најголема во Горниот дом и ќе може да назначи свој претставник за претседател на Сенатот.
Владејачките партии добија само по едно сенаторско место и ќе имаат 20 места во Сенатот. Комунистичката партија на Чешка и Моравија не доби ниту едно место и првпат од 1996 година нема да има свои претставници во Горниот дом на Парламентот на Чешка.
Ново на Сител
-
САД ќе продолжат да се ангажираат за прашања од заеднички интерес
-
Може ли за неколку месеци да се стане АИ експерт? | Growth Labs Academy | Sitel Podcast 050
-
Полицијата презема мерки за пронаоѓање шест лица - работници од Непал
-
Избувна пожар во светиниколско: Изгоре штала, две грла добиток, млин, сточна храна
-
Во Струмица oбид за киднапирање на тригодишно дете, полицијата испитува дали се работи за кривично дело
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција