Вработените во Еурокомпозит повторно штрајкуваат пред Влада

Вработените од Еурокомпозит од Прилеп повторно штрајкуваат пред Владата. Тие пред малку стигнаа пред владината зграда со цел да се изборат за своите права и да ги добијат заостанатите плати, што државата им ги должи на работниците од оваа фабрика. Дел од нив се внатре во владата на преговори со надлежните.

Планот за спас на фирмата предвидува околу 130 вработени да бидат прогласени за технолошки вишок, а потоа преку стечајна постапка фабриката да се продаде на инвеститор. Но, државата нема пари да им плати отпремнина на работниците што ќе потпишат да останат технолошки вишок.

 Компанијата веќе подолго време не е рентабилна. На вработените им се должат 20 тина плати, а придонесите не им се платени повеќе од 6 години.