Роналдо може да ги загуби спонзорите поради обвинувањата за силување

Два од главните спонзора на ѕвездата на Јувентус, Кристијано Роналдо - „Најк“ и „ЕА Спортс“, се загрижени од обвиненијата за силување против петкратниот добитник на „Златната топка“.
Од компаниите излегоа со официјален став во кој се наведува дека внимателно го следат случајот. Полицијата во Лас Вегас обнови истрага која датира од 2009 година, откако Катрин Мајорга даде нови информации.
Нејзините адвокати потврдија синоќа на прес-конференција дека можат да ги објават клучните докази пред јавноста. Таа веќе склучила вонсудски договор со Роналдо во 2010 година, добивајќи сума од 375 илјади долари за нејзиното молчење.
- Длабоко сме загрижени од вознемирувачките тврдења и ќе продолжиме да ја следиме ситуацијата внимателно, соопштија од „Најк“.
„ЕА Спортс“ исто така издаде соопштение.
- Го видовме извештајот кој детално ги опишува тврдењата против Кристијано Роналдо. Ја следиме ситуацијата одблизу. Очекуваме спортистите кои имаат договори со нас, да се однесуваат на начин кој е согласно вредностите на „EA“, изјавија од компанијата.
„Најк“ и Роналдо се партнери од 2003 година и потпишаа нов договор во 2016 година. Според неофицијални информации, тој вреди една милијарда долари и е доживотен.
Ново на Сител
-

Костадиновски: Почитувањето на Уставот е чин на највисок патриотизам и љубов кон татковината
-

МВР: Од 15 ноември до 15 март задолжително е поседувањето на зимска опрема во возилата
-

Се урна српски воен авион МиГ-29, загина пилотот | ВИДЕО
-

Предложен притвор за семејно насилство во Битола
-

Најстудено утрово во Берово, најтопло во Охрид и Велес
-

Корабоски доби 30-дневен притвор по проширување на обвинението
-

Николоски од Виена: ЕУ да изнајде решенија за проблемот со превозниците и со извозот на зелената енергија од регионот
-

Со сведочење на ќерката на првообвинетиот Дејан Јованов продолжува судењето за пожарот во „Пулс“
