Новиот шеф на Мисијата на ОБСЕ во Скопје Клеменс Која стапува на должност
Амбасадорот Клеменс Која од Австрија, назначен од италијанското претседателство со ОБСЕ за шеф на Мисијата на ОБСЕ во Скопје денеска стапи на должност.
Тој ја наследува Нина Суомалаинен, која што го заврши својот мандат како шеф на Мисијата во април.
- Задоволство ми е што ја преземам оваа важна позиција среде тековниот реформски процес во земјата во многу клучни области, како владеењето на правото, медиумите, јавната администрација и полицијата, вели Која.
Тој изразува задоволство што ќе работи со претставници на институциите и граѓанското општество, како и со сите чинители за понатамошно продлабочување на добро воспоставената соработка со Мисијата.
Која има над 29-годишно професионално искуство во службата за надворешни работи. Претходно, служел како постојан претставник на Австрија во ОБСЕ во Виена, австриски амбасадор во Белград и Љубљана, заменик шеф на австриската амбасада во Мадрид и директор на Одделот за Јужна Европа на австриското Министерство за надворешни работи. Студирал право на универзитетите во Салзбург и Виена и е магистер по католичка теологија.
Клучните приоритети на Мисијата на ОБСЕ во Скопје се унапредување на конструктивните меѓуетнички односи и поддршка на понатамошната имплементација на Охридскиот рамковен договор од 2001 година и неговите клучни столбови: антидискриминација, образование, децентрализација, правична застапеност, помалите заедници и употребата на јазиците. Мисијата работи со властите на спроведување реформи во областите како избори, демократско полициско работење, локално владеење, медиуми и судството.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава