Посебен сообраќаен режим во Скопје

Поради одржување јавен собир денеска од 12:30 часот ќе биде воведен посебен сообраќаен режим на улицата „Кирил и Методиј“ во Скопје.

Како што информира МВР, забаранет за сообраќај ќе биде потегот од крстосницата на булеварот „Кочо Рацин“ со улицата „Кирил и Методиј“ (поранешна Мито Хаџи Василев-Јасмин) до крстосницата на оваа улица со булеварот „Свети Климент Охридски“.

Сообраќајот ќе биде пренасочен по булеварот „Кочо Рацин“ и улиците „11 Октомври“, „Даме Груев“, како и други споредни  улици, а по потреба и преку булеварите „Партизански Одреди“, „Крсте Мисирков“, „Кузман Јосифоски-Питу“ и „Борис Трајковски“.

Полицијата апелира до сите граѓани учесници во сообраќајот да се почитуваат наредбите кои ќе ги даваат униформираните полициски службеници и да ги почитуваат сообраќајните правила и прописи, како и сообраќајната регулатива за променетиот режим на сообраќај.