Парламентот на Молдавија и изгласа недоверба на проевропската Влада
Парламентот на Молдавија денеска и изгласа недоверба на проевропската Влада на премиерот Валериу Стрелец, пренесе ТАСС.
Предлогот беше поддржан од 65 пратеници во 101-члениот Парламент.
Гласањето беше инициирано од двете проруски опозициски партии - социјалистите и комунистите. Тие во Парламентот заедно имаат 45 пратеници.
Гласањето недоверба беше подржано и од една од трите партии во владеачката проевропска коалиција - демократите. Останатите две - либералдемократите и либералите, се воздржаа при гласањето.
Владеачката коалиција се подели по симнувањето на пратеничкиот имунитет на поранешниот премиер Влад Филат, лидер на либералдемократите. Тој е осомничен за корупција и учество во присвојување огромна сума пари од банкарскиот систем на земјата.
Гласањето недоверба беше спроведено на одгласите за антивладините протести, кои веќе два месеца ја потресуваат престолнината Кишењев. Илјадници луѓе денеска ја опколија зградата на Парламентот и ги побараа оставките на претседателот Николае Тимофти и Владата и иницираа свикување предвремени избори.
Еден дел од протестното движење се залага за зближување на Молдавија со Русија, а другата за задржувањ ена курсот на европска интеграција. Двете фракции се спогодија да не си пречат.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња