Национална младинска конференција „Младински инспиративни дискусии“
Младинското учество при донесување одлуки е далеку од партнерство, а поблиску до декоратива, констатираа денеска младите на конференцијата од национален карактер на тема „Младински инспиративни дискусии“ во организација на Националниот младински совет на Македонија (НМСМ).
Претседателот на НМСМ Дамјан Николовски појасни дека младинската група која денеска ја промовираат е група која ќе работи на креирање младинските политики.
- Групата ќе работи како тело во рамките на Националниот младински совет и своите идеи ќе ги канализира преку Советот. Групата се состои од девет млади луѓе кои сами ќе ги одредат правилата на игра, односно самите определуваат како ќе дејствуваат. Тие ќе ги определуваат темите кои се приоритетни за нив и потоа низ целата држава ќе пробаат да најдат младински препораки како да се адресираат проблемите кои директно ги засегаат, истакна Николовски.
Најчесто, рече тој, младите се соочуваат со проблемите во образованието, културата, вработувањето, како и локалното младинско дејствување, односно вклучување на младите во сите нивоа на државата.
- Коренот на сите овие проблеми кај нас произлегува од недостатокот на вистинско младинско учество во процесите на носење одлуки, рече Николовски.
Потенцира дека досега тоа е само тренд дека ги вклучуваат младите, но тоа го прават декларативно. Во суштина, што се прави, е дискутабилно.
Препораките добиени од младите, младинските организации, локалните младински совети ќе бидат инкорпорирани во еден документ којшто ќе ги даде насоките коишто треба да бидат земени предвид при креирање на политиките за млади.
Ново на Сител
-
ВЛЕН во центарот на Дебар му оддаде почит на Андреј ДНК
-
Авиoн на грчкoтo воeно воздухопловство вечервa од Скопје ќе пренесе во Атина тројца повредени
-
Во Пустец оддадена почит на загинатите во трагедијата во Кочани
-
Уште 12 повредени префрлени на лекување во Србија, тројца во Грција и двајца во Австрија
-
Српскиот град Чачак на ЛЕД екраните низ градот го истакна македонското знаме
-
Притвор за Беким Максути, поранешниот директор на Дирекцијата за заштита и спасување
-
„Заедно седеа во клупа, заедно заминаа кај ангелите“, наставничка емотивно се прости од Никола и Матеј кои загинаа во пожарот
-
„Ројтерс“ објави ВИДЕО од багери кои ги копаат гробните места на посебно место во гробиштата