Меѓународен театарски фестивал „Скупи“ во МКЦ
Со театарските претстави „Шопинг и факинг“ од Косово и „Крај на љубовта“ од Словенија, вечер на сцената на Младинскиот културен центар во Скопје, ќе започне деветтото издание на Меѓународниот театарски фестивал „Скупи фестивал“.
Прочуениот тескт „Шопинг и факинг“ на Марк Равенхил е првата драма во историјата на театарот кој станала позната по својот наслов. Напишана во 1996 година, како дел од театарското движење “In your face theater”. Преведена е на повеќе светски јазици, а режисерот Фатос Бериша за прв пат ја поставува на албански јазик како копродукција на Националниот театар на Косово и Урбан театар Приштина.
Овој текст често е опишуван како шокантен наратив за моралот во неморални времиња, уникален сценски портрет за дехуманизирана генерација на младите, распаднатипоради социјалната и економска злоупотреба.
„Крај на љубовта“ на режисерот Ивица Буљан, во копродукција на Мини Театар и Местно гледалиште Птуј - Словенија, Ново казалиште и Задар снова – Хрватска, е емотивна драма за крајот на љубовта на двојка која се обидува да ја заврши својата приказна.
Актери, Пиа Земљиќ и Марко Мандиќ, кои се заедно и надвор од сцената, ќе стават крај на својата љубовна врска на сцена. Водени од гнев и силата на разделбата, преку говор и движење двајцата актери ќе подигнат бодликава жица меѓу себе и ќе се обидат да се спасат од виорот во кој се вовлечени и во кој се вовлекуваат меѓусебно.
Ново на Сител
-
САД го истражуваат протекувањето на строго тајни документи со детали за израелските планови за напад на Иран
-
Рама: Обединувањето со Европа е пат со две ленти, 100 отсто сум убеден дека во оваа деценија ќе станеме дел од ЕУ
-
Мицкоски ќе учествува на 20. Европски самит во Салцбург
-
Координатор на ОН за Блискиот Исток: Кошмарот во Газа се засилува
-
Маск ќе подарува по милион долари дневно до изборите на некој што ќе ја потпише неговата петиција
-
Околу 100 ракети истрелани од Либан кон северен Израел
-
Израел го нападна штабот на разузнавањето на Хезболах во Бејрут
-
Маж од скопско ја нападнал својата 19-годишна ќерка