Заев: Опозицијата има право да протестира

Опозицијата има право да си протестира, истакна премиерот Зоран Заев, прашан за коментар на протестот кој го најави за вечер во Скопје опозициската ВМРО-ДПМНЕ.

Како што изјави, внимателно ќе ги слушне пораките од протестот.

- Секако мене ми е важно граѓаните кои сакаат да се приклучат безбедно да стигнат на протестот, секоја опозиција е многу важна и има улога во општеството. Јас внимателно ќе слушам за пораките кои што ќе излезат од самиот протест заради тоа што во нормална демократска, слободна држава опозицијата е таа која што и критикува и дава предлози како да го унапредиме севкупното работење во Република Македонија, изјави Заев, одговарајќи на новинарски прашања при увидот на градежните работи за изградба на експресниот пат Штип-Радовиш.