Нов инцидент на Маркез, ја загуби пол-позицијата

Нови контроверзи на Марк Маркез на Мото ГП трката во САД.

Маркез блесна до шестата пол-позиција на патеката во Остин, каде што ќе брка шеста победа во низа, но веднаш беше ставен под истрага за блокирањето на Вињалес на тесната лева кривина број 15 додека возачот на Јамаха беше во „летечки“ круг.

Иако неговата 46. пол-позиција во Мото ГП ќе остане запишана во историјата, стјуардите решија да го постават на четвртото место на стартот, што значи дека Вињалес ќе стартува на првото место, пред Андреа Јаноне во Сузуки и Жоан Зарко во Тех 3 Јамаха.