Сообраќајот по суви коловози, се расчистува свлечиштето на патот Крива Паланка-село Огут

Сообраќајот на државните патишта се одвива по претежно суви коловози.

На патниот правец Крива Паланка-село Огут поради свлечиште сообраќајот е во прекин, а екипи на ЈП „Македонијапат“ се на лице место и работат на расчистување на свлечиштето и нормализација на сообраќајот, соопшти АМСМ.

На патниот правец Макази - граничен премин Маркова Нога поради свлечиште кај местото викано Долги Рид, сообраќајот се одвива по една коловозна лента во должина од 150 метри. На самото место поставена е соодветна сообраќајна сигнализација.

Интензитетот на сообраќајот на патните правци надвор од градските средини е умерен. 

АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани - Македонска Каменица - Делчево, Виница - Берово, Гостивар - Стража, Маврово – Дебар - Струга, Демир Капија - Удово, Катланово - Велес, Крушево - Демир Хисар и Ресен - Буково.

На граничните премини од македонска страна нема подолги задржувања за влез и за излез од државата.