Полнач за електрични автомобили во катната гаража „Македонска фаланга“
Во катната гаража „Македонска фаланга" во Скопје денеска официјално беше пуштена во употреба станица за полнење електрични возила, која е поставена на првиот кат на гаражата.
На пуштањето во употреба на новата станица за полнење електрични возила присуствуваше и градоначалникот на Град Скопје Коце Трајановски, кој најави и други активности на Градот во областа на електромобилноста.
- Оваа станица е наменета за полнење на сите видови електромобили (автомобил, скутер, електро велосипед) и има два приклучоци за истовремено полнење со вкупна моќност од 22 кило вати по приклучок. Еден електро автомобил целосно се полни за околу 30 минути, а со овие автомобили трошокот за возење на 100 километри изнесува околу 50 денари. Паркингот за време на полнењето во катната гаража е бесплатен, рече Трајановски.
Тој најави дека Градот ќе продолжи со проекти со кои се унапредува елетромобилноста и во наредниот период ќе биде набавено вакво возило за потребите на администрацијата на Град Скопје, а ќе продолжи и процесот на поставување полначи на паркинзите на ЈП „Градски паркинг".
Станицат аза полнење електромобили во катната гаража е прва од овој вид на територијата на Град Скопје, а во моментов ЈП „Градски паркинг" има набавено две станици, за што издвои 20.000 евра.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата