Дураки - Перкс: Секое дете има право на здрава и чиста животна средина

За зајакнување на соработка помеѓу УНИЦЕФ и Министерството за животна средина и просторно планирање и за заедничките активности за подобрување на квалитетот на животот и овозможување здрава животна средина на децата како најранлива група во општеството разговарале денеска министерот Садула Дураки и постојаниот претставник на УНИЦЕФ во Македонија, Бенџамин Перкс.
На средбата, која се одржала во МЖСПП, Дураки и Перкс дискутирале за влијанијата од климатските промени и деградацијата на животната средина кои ги поткопуваат правата на децата, а биле усогласени идните препораки и акции кои заеднички ќе се преземат во согласност со националните и глобалните приоритети.
- Од голема важност е и подигнување на јавната свест кај децата за правото на достапност до чиста вода, справување со отпадот и уставно загарантираното право на чист воздух за сите деца, наведува МЖСПП.
Министерството во соопштение посочува дека според Светска банка, аерозагадувањето во Македонија убива 1350 луѓе годишно. Децата се најосетливата група, затоа што имаат организам во развој и побрзо дишење, а со тоа и побрзо внесување на загадените материи во телото.
- Секое второ болно дете минатата година се лекувало од респираторни болести кои најчесто се директна последица на загадениот воздух. Децата се најпогодени, особено во грејната сезона, кога концентрацијата на цврстите честички е зголемена. Развојот на детскиот мозок е под најголем удар во првите пет години, наведува МЖСПП.
Од страна на УНИЦЕФ било истакнато дека секое дете има право на здрава чиста животна средина и дека правата на детето почнуваат со безбедно засолниште, исхрана, заштита од катастрофи и конфликти и го поминуваат животниот циклус: пренатална грижа за здраво раѓање, чиста вода, воздух и санитација, здравствена заштита и образование.
Ново на Сител
-

Претреси во Неготино, пронајдена дрога, приведени две лица
-

„Алта банка“ оди на продажба: Народната банка бара нов сопственик за 95 отсто од акциите
-

„Тешко е да се биде оптимист“ - Гутереш не гледа скор крај на војната во Украина
-

Искра Хаџи Василева денеска ја презема функцијата шефица на ОЈО ГОКК
-

„Разговори за иднината во 12:05“: Нема амнестија за корумпираните политичари, незаконскиот имот мора да се одземе
-

Смртоносен пожар на туристичкиот остров Пукет, 11 загинати и 16 повредени | ВИДЕО
-

Експлозии во Ормуската Теснина: Два танкери налетале на мини, уште шест се запалиле
-

Дронови погодија три брода во Црното Море, Романија подготвува борбени авиони
