Ердоган: Турција ја очекуваат важни промени

- Турскиот претседател Реџеп Тајип Ердоган во новогодишното обраќање посочи дека ќе има важни промени во Турција во новата година.

- Треба да  бидеме подготвени за нив. Во овој критичен период да не дозволиме да се остварат намерите на сите оние кои се обидуваат да ни се спротивстават. Сега е време да бидеме обединети повеќе од кога и да е, изјави Ердоган.

Според него, локалните избори во 2018 и парламентарните и претседателските во 2019 година се критични периоди.

Тој посочи дека остварил 64 средби во 51 област во Турција каде имал можност да разговара со граѓаните. Освен внатрешните посети, имал и 34 во вкупно 25  земји во светот.

Тој истакна дека во 2017 година се отстранети и последиците од обидот за државен удар на 15 јули 2016 година, како и терористичките напади на ПКК.

- Операциите против терористите беа најважни во историјата на Турција, истакна Ердоган во новогодишното обраќање.