Фатах и ​​Хамас побараа одложување на датумот за трансфер на власт во Појасот Газа

Палестинските фракции Фатах и ​​Хамас се договорија да ја одложат конечната транзиција на власта во Појасот Газа, и наместо на 1 декември, тие побараа на 10 декември Хамас да ја предаде управата со Појасот Газа на палестинската автономна власт, поддржана од западните земји.

Двете спротивставени движења минатиот месец потпишаа договор за помирување под покровителство на Египет, откако Хамас се согласи да ја предаде административниот контрола врз Газа, вклучувајќи го и клучниот граничен премин Рафах. Тоа се случи 10 години откако избувнува граѓанската војна, по што Хамас ја зазеде енклавата..

„Хамас и Фатах побараа од египетските браќа да го одложат преземањето на одговорности во Газа ... од 1 декември за 10 декември, истакна Фајез Абу Ејтах, официјален претставник на Фатах, читајќи заедничка изјава на Хамас и Фатах. „Ова е потребно за да се завршат аранжманите со кои се гарантира постигнувањето на помирувањето", се наведува во заедничката изјава.

Во Каиро, на 21 ноември почнаа тридневни преговори меѓу спротивставените палестински движења Фатах и Хамас. Во преговорите, под покровителство на Египет, покрај Фатах и Хамас, учествуваа уште 12 палестински движења. На средбата тие се договорија парламентарни избори да се одржат до крајот на следната година.

Освен за подготовката на националните палестински избори, тие разговараа и за безбедноста во Појасот Газа и социјалното помирување меѓу семејствата кои беа раскарани повеќе од 10 години поради непријателството меѓу Фатах и Хамас