Пенс: Трамп размислува за пресеелување на амбасадата од Тел Авив во Ерусалим

- Американскиот потпретседател Мајк Пенс денеска изјави дека претседателот Доналд Трамп активно размислува кога и како да ја премести амбасадата на САД во Израел од Тел Авив во Ерусалим.

Трамп вети дека ќе го стори овој потег и со тоа ќе го признае Ерусалим како главен град на Израел, но се уште не донел дефинитивната одлука.

Палестинците, арапските земји и други држави протестираат против таа одлука, велејќи дека статусот на Ерусалим треба да реши при евентуалниот мировен договор меѓу Израелците и Палестинците.

Се претпоставува дека таквата одлука би предизвикала масовни протести на Палестинците и реакции од арапските држави.

Пенс се обрати на свеченоста организирана од израелската мисија во Обединетите нации по повод 70-годишнината од гласањето во ОН за поделба на Британската Мандатна Територија Палестина и создавање на посебна израелска и арапска држава.

Пенс ќе го посети Израел во декември, а за Трамп, Израел беше втората држава што ја посети во неговиот мандат.