Какво образование имаат премиерите во Европа? Шведска најголемо изненадување

Имињата на премиерите во европските држави се познати во јавноста, но за нивното образование знаат малку луѓе.

Еден картограф одлучил да направи мапа на Европа врз основа на образованието на лидерите од секоја европска земја и ја споделил на социјалната мрежа Редит.

Најчесто занимање меѓу нив е правник (Шпанија, Португалија, Швајцарија, Белгија, Данска, Русија, Полска, Словенија, Унгарија, Чешка, Хрватска, Словенија, БиХ и Црна Гора).

Македонискиот премиер Зоран Заев се наоѓа во групата на економисти.

Србија, покрај Летонија, е единствена земја која за претседател на влада има човек од областа на маркетинг и менаџмент.

Премиерот на Франција е дипломиран филозоф, на Холандија е историчар, додека на чело на извршната власт на Германија и на Романија се физичари.

Интересно е дека премиерот на Шведска нема диплома, додека италијанскиот премиер е единствен со факултет за политички науки.