Од 4.709 населени места во Србија, 1.200 се соочуваат со исчезнување

- Српската академија на науки и уметности (САНУ) спровела истражување кое покажува дека 1.200 села во Србија со вкупна територија поголема од Косово, се соочуваат со целосно исселување, односно бришење од списокот на населени места, јави Танјуг.

Според Драган Шкориќ од САНУ, во Србија има вкупно 4.709 населени места, од кои 1.200 се во фаза на исчезнување, со помалку од 100 жители и со надолен тренд на населување.

Околу 500 од овие села немаат ниту асфалтиран пат. Бројот на села без училиште изнесува 230, а 173 училишта постојат само за по еден ученик, што, според Шкориќ, е показател за лошата демографска состојба во Србија.