Трагедија: Еден загинат во тешка сообраќајка на патот Валандово - Марвинци

Н.С. (42) од село Јосифово, Валандовско, загинал утрово во сообраќајна незгода на регионалниот пат Валандово - Марвинци, на местото викано „Мичкин мост“, во атарот на село Брајковци.

Како што соопшти МВР, несреќата се случила откако „Фиат Пунто“ со велешки регистерски таблици кое го управувал Н.С. се судрило со „Форд Ескорд“ со велешки регистерски таблици, управувано од З.А. (50) од Валандово.

Тешко повреден е и сопатникот во „пунтото“, О.П. (35) од село Балинци, кој бил пренесен во Медицинскиот центар во Гевгелија каде му била укажана лекарска помош, а повреден е и З.А..

Сообраќајката е пријавена околу 05:45 часот. Во координација со Јавен обвинител, екипа на валандовската полиција изврши увид.