Водач на американска секта уапсен за убиства и педофилија во Мексико

 Стотина мексикански полицајци синоќа спроведоа рација во ранчот на Американецот Вилијам Орсон Блек, водач на верски култ, кој живеел со четири жени и уште 26 лица, меѓу кои и деца.

Блек бил баран за тројно убиство, како и под сомнеж за педофилија, имајќи предвид дека меѓу неговите следбеници имало и малолетници.

Рацијата била извршена во мексиканската држава Чивава, на границата со САД, откако тројца американски државјани на возраст од 15, 19 и 23 години биле најдени мртви во околината на ранчот. Воедно, полицијата од соседната американска држава Аризона покрена истрага против Блек за педофилија.

Се претпоставува дека Блек развил бизарен верски култ кој вклучувал убивање на егзотични животни. На ранчот било пронајдено смрзнато месо од зебри, бафала, па дури и лав