На 29 октомври ќе се гласа во 35 општини
На 29 октомври ќе се гласа за избор на градоначалник во останатите 35 општини кои не добија градоначалници во првиот круг од локалните избори.
Во вториот круг СДСМ и ВМРО-ДПМНЕ ќе се натпреваруваат во 19 општини, ДУИ и Алијанса за Албанците во пет, ДУИ и БЕСА во седум, во една општина кандидат на група избирачи и на ВМРО-ДПМНЕ, во една ДУИ и СДСМ, во една СДСМ и Сојузот на Роми и во уште една ДПА и БЕСА.
Според обработените податоци на Државната изборна комисија, во првиот круг СДСМ освои 37 градоначалнички мандати, а нивните кандидати за градоначалници се во предност пред ВМРО-ДПМНЕ во скопските општини Кисела Вода, Бутел и Гази Баба, како и во Виница, Градско, Демир Капија, Јегуновце, Карбинци, Македонска Каменица, Македонски брод, Росоман, Старо Нагоричане и Чашка.
ВМРО-ДПМНЕ во првиот круг освои три градоначалнички мандати и тоа во Илинден, Петровец и Сопиште, а нивните кандидати водат во шест општини - Зрновци, Кавадарци, Новаци, Пробиштип, Чешиново-Облешево и Штип.
Најтесна е разликата меѓу кандидатите на ВМРО-ДПМНЕ и на СДСМ во Штип и Чешиново - Облешево, како и во скопските општини Гази Баба и Кисела Вода.
Во првиот круг две градоначалнички места има освоено Демократската унија за интеграција (ДУИ), две - група избирачи и едно градоначалничко место има освоено Демократската партија на Турците во Центар Жупа.
ДУИ во вториот круг има предност во 11 општини, а Алијансата на Албанците и ДПА водат во по една општина.
Во тек е изборната кампања за вториот круг, а веќе тече и рокот за поднесување на приговори и жалби до Државната изборна комисија.
Вториот круг од локалните избори ќе се одржи на 29 октомври. Изборната кампања за вториот круг завршува на 27 октомври во 24 часот.
Ново на Сител
-
Хеликоптерите на МВР фрлија повеќе од 30 тони вода на пожарот на планината Плачковица | ВИДЕО
-
Хуманитарната катастрофа во Газа мора веднаш да престане, велат Париз, Лондон и Берлин
-
Најмалку 25 лица загинаа, а 280.000 останаа без покрив над главата од почетокот на обилните дождови на Филипините
-
Министерот Тошковски во посета на џудо тренинг сесија на полициските специјалци во Центарот за обука во Идризово
-
Трамп вели дека договорот со ЕУ има 50 отсто шанси, а договорот со Канада можеби нема да се случи
-
На Табановце се чека 40, а на Богородица 20 минути
-
Крадел од пациенти на Онкологија, Обвинителството поведе постапка
-
Две затворски казни од пет години и парична од 300.000 денари за фирма за предизвикан пожар над велешко езеро „Младост“ во август 2019