Во Дубаи почна да работи првата смарт полициска станица во светот

Во крајбрежен станбен кварт во Дубаи, почна да работи првата смарт полициска станица во светот. Таа се простира на околу 120 квадратни метри и поделена е на три оддели - чекална, изложбен дел и одделение за услуги.

Откако ќе влезат во „паметната“ полициска станица, граѓаните извлекуваат број, а додека чекаат можат да играат игра, која ги учи на безбедно возење. Во одделението за услуги, со притискање на електронската табла почнуваат разговор со полицајци, кои се онлајн 24 часа, но работат од дома.

Сервисите се на шест јазици и пружаат 60 видови услуги, вклучувајќи плаќање сообраќајни казни, добивање потврди, пријавување инциденти или сообраќајни несреќи. Освен тоа, жителите на тој дел на Дубаи, можат да пријават изгубени и пронајдени предмети.