„Блиц“: Зaпадот смета дека е рано за формирање косовска армија
Најмоќните западни земји сметаат дека се уште не е време за формирање на косовска армија и дека властите во Приштина не би требало да се решат на таков чекор без претходен договор со Белград, тврди во денешниот број српскиот весник „Блиц“, повикувајќи се на западни дипломатски извори од главниот град на Косово.
Според весникот, иако западните земји го поддржуваат постоењето на Безбедносните сили на Косово, тие сепак не се согласуваат на нивна трансформација во Вооружени сили на Косово во блиска иднина.
- Во некој момент во иднина, Косово ќе добие свои вооружени сили, но тоа нема да се слули наскоро. Оваа тема, пред се, мора да биде дел од процесот за нормализација на односите со Белград. Нема да одобриме евентуални еднострани одлуки на Приштина, навеле исите извори за „Блиц“.
Според дипломатите, од голема важност е идната косовска армија да добие „широка согласност“ и од Србите во Косово.
Еден од соговорниците на „Блиц“ оценил дека косовскиот премиер Иса Мустафа и шефот на дипломатијата Хашим Тачи „ја лансирале приказната за формирање на армија, со цел да го одвлечат винманинето на јавноста од за нив непријатни теми“.
- Бриселскиот договор со Белград, формирањето на Заедницата на српските општини и особно на Специјалниот суд за воените злосторства на ОВК, предизвикаа вистинска бура во радикалните кругови во Косово, а Мустафа и Тачи беа обвинети за предавство. Нивната најава дека наскоро ќе формираат армија, служи само за одвлекување на вниманието од компромисите што ги прават со Србија и ЕУ, вели западниот дипломатски извор за „Блиц“.
Ново на Сител
-
Закани кон претседателката на Уставен суд Добрила Кацарска, пријавено во МВР
-
Совет на Европа: Македонските затвори се почисти, но во нив и натаму има корупција и лош третаман
-
СПМ: Не сме изненадени од изјавите на одредени домашни лица и нивното упорно користење на „северна“
-
Тешка сообраќајка на патот Кичево-Охрид, повредени три лица
-
Пронајдена неиспукана артилериска граната покрај железничката пруга во атар на село Виничани
-
Герасимовски: Пријавувајте проблеми со јавна чистота, досега пријавени 159 проблеми
-
Викендов променливо и нестабилно време, со локален пороен дожд и појава на невреме
-
Претрес во Битола, пронајдена дрога