Проект „И ние сме дел од општината“

Здружението за развој, претприемништво и претприемачко учење „Марвел-АДЕЕЛ“ од Штип почна со спроведување на проектот „И ние сме дел од општината“ во Штип, Карбинци, Кочани и Свети Николе.

Главна целна група на овој проект се граѓаните на помалите заедници од овие општини. Основна цел на проектот е зголемување на свесноста за својата улога и покренување на активност кај жителите на помалите заедници во општините Штип, Карбинци, Кочани и Свети Николе за решавање на проблемите во нивните општини.

Во рамки на овој проект ќе бидат имплементирани 12 еднодневни работилници во заедници кои гравитираат кон општините Штип, Карбинци, Кочани и Свети Николе со учество на најмногу 10 учесници на секоја работилница. Секоја од работилниците ќе вклучува теоретски дел за граѓански активизам, контакти со институции, медуми и практичен дел (изработка на документи за воочени / тековни проблеми во самата општина и предлог решенија).

Предвидена е и конференција за поттикнување акција на помалите заедници и нивно учество во решавање на проблеми во општините Штип, Кочани, Карбинци и Свети Николе. Проектот „И ние сме дел од општината“ е финансиран од проектот „Цивика мобилитас“.