Кралицата на ромската музика се бореше до крај - ова е последната фотографија на Уснија

 

Последните месеци од животот ги помина во болничка постела, од каде неодамна се простила од колешката Неда Украден, со која тој ден се смеела, верувајќи дека ќе дојде денот кога повторно ќе запее на бината.

 

„Долго зборувавме, не сакаше да одам, па и прераскажував некои дамнешни концерти за да ја расположам. Многу ми е жал што замина таква талентирана жена, која ја одбележа југословенската народна музика, со нејзината специфична интерпретација и песните кои долго ќе се пеат. Над се прекрасна личност!“, изјави Неда Украден.

 

„Уснија до крај се бореше да биде позитивна и силна жена. Убава, паметна и талентирана, таа се грижеше за сопругот и тогаш го запоставила своето здравје“, раскажува низ солзи Неда и додава:

 

„Медицинската сестра ми рече дека Уснија имала метастази, а јас не знаев. Не ни се надевав дека толку брзо ќе замине. Ние се знаеме 30 години, и иако не пиевме кафе секој ден, бевме многу блиски. Во шок сум, тешко ми е да поверувам дека повеќе ја нема“.

 

Инаку Неда ја искористила можноста, за последен пат да се слика со Уснија, не мислејќи дека тоа ќе биде последното селфи на кралицата.