Штипскиот универзитет го распиша конкурсот за Еразмус програмата

Штипскиот универзитет го распиша конкурсот за Еразмус плус програмата, што на студентите ќе им овозможи наставата еден семестар да ja следат или да имаат практична работа на некој од 200 универезитети во Европа, со кои универзитетот има потпишано договори за соработка.
Сања Стефановска од Центарот за меѓународна соработка на денешната прес-конференција рече дека од јануари наредната година 85 студенти можат да бидат дел од оваа програма.
- Тоа значи дека 60 студенти за студентска мобилност и 25 студенти за студентска пракса ќе можат да заминат во еден од универзитетите-партнери во Европа. Оваа програма преставува една од најуспешните иницијативи на Европската комисија и оваа година одбележува 30 години од постоењето на Еразмус плус програмата, а вкупно девет милиони студенти заминале на Еразмус плус програмата во изминатите 30 години, вели Стефановска.
Таа истакна дека студентите сите потребни информации за да конкурираат можат да го најдат на веб страницата на универзитетот, но имаат и посебна веб страна, а аплицирањето е до 20-ти октомври. Апелира студентите да аплицираат, а за наредните две години се обезбедени вкупно 160 места, доколку им се потребни и дополните информации можат да ги посетат во канцеларијата на Центарот за меѓународна соработка
- Ние како универзитет на студентите им доделуваме стипендија во зависност во која земја заминуваат изнесува 450 или 500 евра месечно, а додека за пракса стипендијата изнесува 600 евра.Ние ги плаќаме тие средства 70 отсто пред да заминат и 30 отсто откако ќе се вратат отаму. Еве за мотивација и охрабрување ќе им биде доделен и Еразмус пријател или личност која ќе ги згрижи во првиот месец, ќе им биде доделен ментор, рече Стефановска.
Универзитетот „Гоце Делчев“ - Штип на 3 октомври ќе организира отворен ден „Еразмус плус освежување“, на кој што заинтересираните студенти ќе можат да се информираат, но и да ги слушнат искуствата на нивните колеги кои веќе биле дел од студентската размена преку Еразмус плус програмата
Ново на Сител
-

Реновираниот дом „Кузман Јосифовски-Питу“ ќе биде отворен во февруари, деновиве ќе се објави конкурс за сместување
-

Србија доби нов парламентарен состав, пратениците положија заклетва
-

50-годишен маж со огнено оружје се заканувал на сопругата со која е во бракоразводна постапка
-

Татко ја нападнал својата 20-годишна ќерка
-

Хашим Тачи осуден за попречување на правдата на 17 месеци затвор
-

Ќерката на Јованов за „Пулс“: Имаше панични светла и противпожарни апарати, сите ја користеа задната врата
-

АНБ разоткри терористичка мрежа: Се подготвувал атентат во Грција по инструкции од Иран
-

Костадиновски: Почитувањето на Уставот е чин на највисок патриотизам и љубов кон татковината
