Трамп го нарече севернокорејскиот лидер „човек ракета“
Американскиот претседател Доналд Трамп го исмеал севернокорејскиот лидер Ким Џонг-ун, нарекувајќи го „човек ракета“ (Rocket Man), додека советници од Белата куќа предупредуваат дека Пјонгјанг ќе се соочи со уништување доколку не ја прекине својата нуклеарна програма и воените закани.
На прашањето како Трамп го опишува Ким, советникот за национална безбедност на САД, Херберт Рејмонд Мекмастер истакна дека „човек ракета“ е најновиот опис.
Тој сепак предупреди дека „не треба премногу да се прават шеги со ракетите, бидејќи тие претставуваат огромна закана за сите“.
Истовремено, Мекмастер нагласи дека северонокорејскиот лидер „мора да се откаже од нуклеарното оружје, бидејќи претседателот Трамп нема да дозволи тој режим да им се заканува на САД и на американските граѓани“.
На новинарско прашање дали смета дека Трамп може да изврши воен напад врз Северна Кореја, Мекмастер одговори дека „претседателот бил многу јасен оти сите опции се на маса“.
Ново на Сител
-
Во центарот на Куманово ќе биде откриен мурал со ликот на Бобан Трајковски кој беше убиен пред 23 години кај Вејце
-
Најмалку пет лица загинаа во торнадо во јужна Кина
-
Зеленски: На Украина и требаат најмалку седум ПВО системи „Патриот“
-
Сончево и релативно топло
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило