Хуманирана акција за помош на семејството од Пехчево чија куќа изгоре во пожар

Општина Пехчево организира хуманитарна акција за собирање помош за семејството Митринови од на кое во пожарот пред четири дена им изгоре куќата и целата покуќнина.

Живко Каликов одговорен за односи со јавноста од Општина Пехчево, ги повика сите хумани граѓани и фирмите да донираат за да се помогне на четиричленото семејство.

- Акцијата ја најавуваме за в понеделник. На градскиот плоштад ќе биде поставен соодветен штанд, каде ќе се собираат донациите. Она што најпрво треба да се собере се градежни материјали за да може ова семејство да се врати да живее во куќата, бидејќи од неа се останати само голи ѕидови. Јас ги повикувам сите хумани да дојдат и да помонат, рече Каликов.

Никола Митринов, сопственик на една од двете куќи кои беа зафатени од пожарот, апелира за помош.

- Немаме ништо. Се ни изгоре за 13 минути, се што создававме во изминативе 30 години. Немаме облека, парите ни изгореа, се ни изгоре. Молам за помош, кој со што може да помогне, рече Митринов.

Семејството Митринови од Пехчево ги очекуваа донациите на сметка 300057085856484, Комерцијална банка.