Фатени двајца крадци кои извршиле 13 кражби во Штип

Три кривични пријави се поднесени против двајца штипјани на возраст од 25 и 26 години кои во период три месеци извршиле 13 тешки кражби на подрачјето на општина Штип при што направиле штета од 940.000 денари, информира портпаролот на СВР-Штип, Гордана Панајотова на денешнта прес-конференција. 

- Пријавените на подрачјето на Полициската станица –Штип со намера да се стекнат со против правна-имотна корист извршиле 13 кривични дела. При што, со употреба на сила и погоден алат насилно отварале врати и прозорци и влегувале во продавници, фабрики и јавни претпријатија, од каде одзеле разновидни предмети, како водомери, кабли, алуминиумски радијатори, репро материјали, делови од патнички моторни возила, машинско масло, циграи со што причиниле материјална штета од околу 940.000 денари, рече Панајотова.

Таа истакна дека сторителите на овие тешки кражби се познати од претходно на полицијата, а кривичните пријави се доставени до Основното јавно обвинителство во Штип.