Саудиска Арабија ја прекина комуникацијата со Катар
Саудиска Арабија го прекина дијалогот и комуникацијата со Катар со образложение дека катарските медиуми невистинито ја известиле јавноста за телефонскиот разговор меѓу лидерите на двете држави, саудискиот принц Мохамед бин Саламан и катарскиот емир шеик Тамим бин Хамад Тани.
Новинската агенција на Катар објави дека лидерите на двете земји „ја нагласија потребата за решавање на кризата со покренување на дијалог, со што ќе биде обезбедено единство и стабилност“ на заливските држави. На тоа Саудиска Арабија „луто“ изреагира наведувајќи дека соопштението на Доха нема „никаква врска со вистината“.
- Ова е доказ дека катарските власти не се сериозни за дијалогот и дека продолжуваат со својата претходна политика. Саудиска Арабија порачува дека секој дијалог и комуникација со властите на Катар ќе биде запрена се додека јавно не го соопштат својот став, посочуваат саудиските власти.
Катарските и саудиските медиуми претходно објавија дека Ал Тани во телефонскиот разговор со саудискиот престолонаследник изразил желба да седнат и да разговараат за барањата на четирите заливски држави.
Од друга страна, официјалната новинска агенција на Саудиска Арабија (СПА) извести дека деталите од разговорот треба да бидат објавени откако Ријад ќе постигне договор со Обединетите Арапски Емирати, Бахреин и Египет.
Саудиска Арабија, Обединетите Арапски Емирати, Бахреин и Египет. ги прекинаат дипломатските и сообраќајните односи со Катар на петти јуни, обвинувајќи ја Доха дека поддржува и финансира тероризам.
Катар ги негира обвиненијата и оценува дека се политички мотивирани.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава