УХМР: Големо невреме во Источна Македонија чести грмежи, силен ветер и пороен дожд

Во попладневните часови од Радовишко се прошири нестабилност кон Огражден и Плачковица.

Процесите се силни и се проследени со чести грмежи, силен ветер и веројатно поројни врнежи од дожд.

Според правецот на движење ови врнежи и лошо време ќе се пренесат во Малешевијата каде што поради влијанието и на планините ќе бидат и засилени.

Во останатите делови од земјата уште има засилен ветер особено кон северот и променливо време со услови за појава на врнежи со посилен интензитет особено кон истокот.