Москва: Сириски бунтовници планираат хемиски напад за кој ќе го обвинат Дамаск

Членови на терористичката група  "Шабаб ал Суна", кои располагаат со хемиско оружје, планираат да го употребат во сириската провинција Дара и потоа да ја обвинат сириската армија за употреба на хемиски отрови, тврди портпаролката на руското Министерство за надворешни работи Марија Захарова. 

Според неа, групата поседува неколку ракети со бојни отрови кои се кријат во магацин во местото Бозра ал Шам во провинцијата Дара. 

Руското МНР има информации дека планот на терористите е по активирањето на ракетите со хемиско полнење во населени места да ја обвинат владата во Дамаск и сириската армија дека тие извршиле хемиски напад. 

Според Захарова потенцијални цели на терористичката група "Шабаб ал Суна" се населените места Хиран, Нава, Инхил, Џамила, Тафас и Деира.