Грчкиот премиер Ципрас со набиена „европска агенда“ за септември

Грчкиот премиер Алексис Ципрас планира да посети неколку европски земји, меѓу кои и Бугарија, информира грчкиот весник „Катимерини“.
Претставници на Кабинетот на Ципрас соопштија дека во агендата на премиерот сега најважни се посетата на францускиот претседател Макрон на 7 и 8 септември, Меѓународниот саем во Солун неколку дена подоцна, патувањата на Ципрас во Романија, Бугарија и Австрија, пред да им биде домаќин на лидерите на Германија, Шпанија и Италија.
Според „Катимерини“, во моментов вниманието е насочено кон наоѓање соодветен датум за посета на Ципрас на Бугарија, кој по можност би бил пред отворањето на Саемот во Солун, каде би го претставил договорот за железничко поврзување меѓу пристаништата Александрополис и Варна, кој би се потпишал претходно во Софија.
- Тој договор се очекува да придонесе за подобрување на геополитичкото и економското значење и улогата на Северна Грција, пишува весникот.
Договорот за железничка врска меѓу Александрополис и Варна, што треба да биде потпишан за време на посетата на Ципрас во Бугарија, претставува, според дипломатски извори, важен чекор за регионална соработка со геополитичка и економска димензија. Со овој договор, всушност ќе се поврзат четри пристаништа, затоа што се однесува и на пристаништата во Кавала и Бургас.
Ново на Сител
-

Koшта: Проширувањето на ЕУ служи за зајакнување на Европа, како отпорна економска сила и сила за мир
-

Измамници ја користат видео играта GTA VI за да крадат пари и податоци од гејмерите
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
