Претпладне сончево, попладне краткотрен дожд

Во Македонија претпладне ќе биде сончево и топло, од пладневните часови облачноста ќе се зголемува и ќе дува умерен северен ветер, најизразен на североистокот. Во северните делови ќе има услови за локална појава на грмежи проследени со пороен дожд. УВ индексот ќе има вредност 8.

Утринската температура ќе се движи од 11 до 20, а дневната од 29 до 36 степени.

Во Скопје претпладне сончево, а од пладневните часови облачноста ќе се зголеми и ќе има услови за појава краткотраен дожд и појава на ретки грмежи. Температурата ќе достигне до 33 степени.

Следува период на претежно стабилно и се потопло време. Дневната температура до сабота ќе биде во постепен пораст, но ќе се задржи во рамките на просекот за овој период од годината. Најтопло ќе биде во сабота со максимална температура до 38 степени на југоистокот од земјава. Во четврток во попладневните часови ќе има локално зголемување на облачноста и услови за појава на краткотраен дожд и ретки грмежи, претежно на северот. Врнежи од дожд со намалување на температурата се очекуваат на крајот од викендот.