Нови графити со закани по живот за Хашим Тачи и Наим Трнава
Нови графти со закани по живот за шефот на косовската држава, Хашим Тачи и првиот човек на Исламската верска заедница, Наим Трнава, се појавија во Приштина.
Камен темелникот за новата џамија е исполнет со заканувачки пораки на кои со црвена и црна боја пишува: „Наим Трнава и Хашим Тачи ќе бидат убиени“.
Првите заканувачки графити по живот се појавија утрото на 1 август на ѕидовите на Филолошкиот факултет во Приштина, а беа упатени кон Тачи, Трнава, градоначалникот на Приштина, Шпенд Ахмети и неговиот сопартиец и поранешен лидер на движењето „Самоопределување“ Албин Курти.
На еден од графитите пишуваше „Смрт за Наим Трнава и Хашим Тачи-Турчинот“, додека на друг за градоначаликот Ахмети заканата беше: „Ќе бидеш убиен како пес, долу Самоопределување и Албин-Талибанецот“.
Исто така, на графитите пишуваше дека ќе се пролее крв и нема да се дозволи изградба на џамија.
Причина за овие закани, според она што е напишано, е изградбата на големата џамија во населбата „Дарданија“ во Приштина.
Полицијата започна истрага и досега само потврди дека повикани на разговор се неколкумина сведоци.
Ново на Сител
-
ЦУК: 7-годишно дете, две жени и маж спасени со чамец од Пчиња
-
Средба за соработка помеѓу ЗНАМ и ВМРО-ДПМНЕ
-
Бислимовски: Работиме на продолжување на евтината тарифа на струјата за уште еден час
-
Гром го остави без струја три и пол часа поширокиот дебарско - струшки регион
-
Макрон ја започнува тридневната посета на Германија
-
Илјадници Израелци протестираа во Тел Авив барајќи враќање на заложниците од Газа
-
Сообраќајот непречено, по претежно влажни коловози
-
Променливо облачно време, наместа нестабилно со пороен дожд и грмежи