Награда за филмот „Златна петорка“ на фестивал во Поградец

Македонскиот долгометражен игран филм „Златна петорка“ на режисерот Горан Тренчовски ја освои наградата „Best Balkan Spirit“ на седмиот Balkan Film Food Festival во Поградец, Албанија.

Ова е петта интернационална награда на „Златна петорка“, кој за девет  месеци го имаат видено околу 70.000 гледачи во кината и на фестивалите низ светот.

Филмот досега е селектиран на 15 интернационални фестивали, а до крајот на летото го очекуваат проекции на фестивалите во Варна, Темишвар и Краина.

Сценариото за филмот е инспирирано од вистинит настан за петтемина струмички студенти од 1951 и е работено по мотиви на Братислав Ташковски.