Турција би можела да започне воена операција во Сирија

Турција соопшти дека можеби ќе започне воена операција во внатрешноста на енклавата Африн во северниот дел на Сирија, која е под контрола на сириските Курди, доколку се констатира дека постои „константна безбедносна закана“. 

Турскиот министер за одбрана Фикри Ишик изјави денеска дека турската војска ќе продолжи да одговара и на „најмалиот“ оган врз територија на Турција од енклавата Африн. 

Турција ја смета главната бунтовничка група на сириските Курди, која ужива поддршка од САД, за терористичка група, односно за огранок на Курдската работничка партија (ПКК), чии припадници се борат во внатрешноста на Турција.