Влада на РМ: Министерот Поповски поднесе анкетен лист на 28 јуни

Министерот за комуникации, отчетност и транспарентност Роберт Поповски достави анкетен лист до Државната комисија за спречување корупција и до Управата за јавни приходи на 28 јуни, соопшти денеска владината прес-служба.

- Лажна е информацијата изнесена на денешната прес конференција на ВМРО-ДПМНЕ, во врска со анкетниот лист на министерот Роберт Поповски, задолжен за комуникации, отчетност и транспарентност. Во интерес на вистината и отчетноста, ја информираме јавноста дека министерот Поповски достави анкетен лист до Државната комисија за спречување корупција и до Управата за јавни приходи на 28 јуни 2017 година, а за тоа приложуваме писмен доказ од приемот на документот во архива, се наведува во соопштението од Владата.